فلسطين بتسلم عليكم(تراث)

تعالو يا ولاد ...


يلاا اقعدوا عالأرض هنا جنبي



اعملوا دائرة حوليا ..



صبي الشاي يا فدو



وانتي يا معطوط اقعد ساكت


ولك يا Medo وسع لابو خزاع


اقعد جنب ملك الخواتم ولك يا حسون



يا دحنونة اعمليلهم سندويشات زعتر من اللي عملتوه مبارح مع زيت زتون من تبع ارضنا السنة هاي


بدنا نقول الحكاية يا حلوين



القصة من تراثنا يا ولاد



من تراث فلسطين


فلسطين بعتت سلام للجميع


.. وحكتلي
.. قول لأولادي
.. اشتقت كتير للقعدات الحلوة
.. ضو القمر .. وقلوب الحبايب
.. والقصص الندية
.. والحكاوي
.. تعالوا لنرجع أيام زمان
.. كل يوم قصة .. كل يوم حكاية
.. مش لحتى نام
.. عشان يصحى فينا إشي ما بنام
.. ليالي كانت في فلسطين
.. وقصص نحكيها لنبقى احنا في الوطن عايشين
.. فلسطين بتسلم عليكم
: وعم بتقولكم
.. كان يا مكان يا سادة يا كرام
.. كان يا مكان يا مستمعين يا كرام
.. وما يحلى الكلام الا بالصلاة على الحبيب محمد خير الأنام
.. زيدوا الصلاة صلاة
.. هاد يا سادة يا كرام .. يا أهل الجود والإكرام
.. كان في
.. ولم كان في .. كان هناك كل شي
.. كان في بلد ما تعرف الشمس غيرها وطن
.. والقمر فيها وجه صبية مليحه
.. وكان فيها ناس .. الحب والخير فيهم أساس
.. كان يا مكان
.. وطن .. حب .. سلام .. أمن .. شجر .. عمر .. قمر
.. كان يا مكان
.. كان في وطن .. اسمه فلسطين
.. ويا حبايبي يا سامعين .. ما في منها اثنين
.. ما بدي أكتر عليكم حكي
.. طلع في يوم عليها الصبح
.. هجمت الدبابة .. وما كانت خيابة
.. هجموا على البيوت .. على الكروم
.. ع الخوابي .. حرقوا الروابي
.. وقلعوا عين الصبية
.. وطفوا الشمس
.. وصار الشعب الحر ساكن بخيام
.. وما بكى عليهم حد .. لأنه البكي بده زلام
.. سكنوا بالخيام
.. ايش ضل بالقصه
.. طلعوا عليهم بقصة توطين .. وأكياس طحين
.. يا ويلي على المساكين
: طلع فيهم منادي قال
يا عالم ياهوووووو
.. يا سمعين الصوت
.. ورب السما والدنيا .. ترابك يا فلسطين ما يهون
.. أنا لاجئ ساكن بخيمتي لحتى أرجع أو القيامة تقوم
.. ما برضى بالذل
.. راح أبقى عربي فلسطيني
.. عاشق ع طول العمر
عشقي فلسطيني
.. يا سامعين الصوت
.. أنا فلسطيني
.. أنا فلسطيني
.. أنا فلسطيني
.. وهيك يا سادة يا كرام
.. صلوا على النبي قبل ما نكمل الكلام
.. وبقى الفلسطيني جرح بصدر الزمان
.. حامل جروحه وين ما كان
.. لسه ما بدت القصه حتى تنتهي
.. لسه الحكي قدام
.. بس الفلسطيني وصاني أبلغكم السلام
.. وبوصيكم
.. ادعولهم .. لحتى ربي يفرج الكرب .. ويرجعوا زي زمان


مع حبى وتقديرى

.. أنا فلسطيني
.. أنا فلسطيني
.. أنا فلسطيني
عاااااااااشت فلسطين حرة أبية عربية طووول الزمان
يسلمو ننوس عالموضوع الرائع
الى الامااااااااااااام وفي تقدم ان شاء الله