قصيده رائعه(( لان اصلك عراقي ))

قصيده رائعه لكل مغترب

للشاعر علي الديواني



(( لان اصلك عراقي ))


عراقي شبيــك ليش الدول رفضـــــوك
ولا واحد ينشــــف دمعـــة عيونـــــــك


رفضــوك الــدول والسبـــب معـروف
لان اصلك عراقي وهمه رفضونـــــك


حرام بوجهك انتــه وســـدوا البـــوب
واذا مو فيـــزاا عنـــدك مايدخلونــــك


عجيبـــه بهالزمـــــان شغيــــر النـاس
ومحـــد يسأل انتـــه شبيك وشلونــــك


جنــت للضيـــف بيــدك تفتـح البــــاب
هســه تــروح يمهــم مايضيفـونـــــــك


وجنــــت دكتور انتـه اداوي الجــروح
ومجــروح انتـــه هســه ومايداوونــــك


وجنـــت متنــام ليلك تحـــرس النــــاس
شجاهــم هســه ليــش ومايحرسونـــــك


كبــل ينخـــوك تركــض ليهـم بســـــاع
عبـــاس انتـــه بالشـــدات ينخـونــــــك


غيــــره ومرجلــه وبيك ارفـــع الراس
عراقي شتسوه هاي الدنيه من دونــــك


راح ارجـــع بعــد ليش ابقــه مذلــول
وبعـــد ماريـــد فيـــزاا ولا اقامــــــه


وبعـد ماريــد اعيشــاً عمري بحــزان
بوسـط بغــداد اريــد ارفــع الهامــــه


عشـت عمـــري حـزن ولام وجروح
ودموع عيوني هاي اكبر علامــــــه


بدونـــك ياوطـــن كل احنــه ايتــــام
عايــش انتـــه بــس احنـــه يتامــــه


والدنــــه العـــراق وامنــه بغــــــداد
وبعــــد بغــداد منعيـــش بسلامــــــه

وااااااااااااااااااو بجد اكتير حلو ويارب يحفظ لنا العراق يارب ويرجع لنا بلادنا ونرجع نعيش فيا ويحفظلنا بغداد الحبيبه