@ طريقة عمل الارز بالبسلة @

من طرف **spidergirl** 10/9/2009, 10:09 pm

[ندعوك للتسجيل في المنتدى أو التعريف بنفسك لمعاينة هذه الصورة]

المقادير :

1/2ك أرز بسمتي او عادي "البسمتي يتنقع في ماء مدة نصف ساعة "
1/2 ك بسلة
3حبات جزر متوسطة
فلفل اسود
ملح
1م ك سمن بلدي او ملعقة واحدة زبدة بلدي
زيت ذرة

الطريقة :

تحطي البسلة والجزر في مية علي النار وشوية ملح وتسبيهم لحد ميستوي بس من غير متتهري يعني خدي واحدة بسلة واضغطي عليها لو اتقسمت يبقي كدة استوت وطفي عليها وصفيها بمصفاة ورشي شوية فلفل اسود وكمون

وبعدين تحطي شوية زيت ذرة مناسبين في حلة وملعقة سمنة بلدي لو مفيش يبقي ممكن تحطي ملعقة زبدة بس في الاخر خالص بعد مالارز يتشرب من المية

حطي الارز وقلبية شوية مع رشة ملح وفلفل اسود لحد مالمية تنشف بس اوعي يتحرق منك بعدين ضيفي البسلة والجزر وقلبي وضيفي المية وتبقي فوق مستوي الارز بعقلة صباع
ولما يتشرب وطي علية وياريت تحطي شياطة وممكن دلوقتي تحطي ملعقة الزبدة

[ندعوك للتسجيل في المنتدى أو التعريف بنفسك لمعاينة هذه الصورة] ودي طريقة بانية ممكن يتقدم مع الارز
المقادير :
صدور دجاج شرائح
بصلة مفرومة
ملح ،فلفل ،قرفة ، كمون ، زعتر ، زنجبيل
بيضتين مخفوقين بالملح والفلفل والقرفة
ربع كوب لبن
فصين ثوم
صلصة طماطم متسبكة
جبن رومي او شيدر او مودزريلا " نوع الجبنة حسب الرغبة "
بقسماط ناعم متبل بفلفل وملح وقرفة
الطريقة :
نضع البيض واللبن علي البصل المفروم والتوابل ونتبل بية الصدور ونسبها حوالي ساعتين
نشيل الصدور من التتبيلة ونحطها في البقسماط ونرصها في ينية مدهونة زيت اوصاج
نحطها تحت الشواية بتاعة الفرن لحد ميتحمر الوجة ونقلبها ولما الوجة التاني يتحمر نحط علية الصلصة وندخلها تاني دقيقتين وبعدين نحط الجبنة ونطفي ونسبها لحد متسيح "علي فكرة الصدور مش بتاخد وقت في السوا تحت الشواية يعني ممكن تاخد عشر دقائق او ربع ساعة بس "
ممكن تقدمي معاهم بطاطس محمرة او شيبسي والكاتشب مع سلطة كرنب بالمايونيزاو سلطة زبادي والحلو جيلي بالفواكة والكريمة او ايس كريم او كريم كراميل

[ندعوك للتسجيل في المنتدى أو التعريف بنفسك لمعاينة هذه الصورة] وبالهنا والشفتشى [ندعوك للتسجيل في المنتدى أو التعريف بنفسك لمعاينة هذه الصورة]

تحياتى للجميع