تدري وش اللي يجرح القلب؟؟

من طرف **منى** 2/9/2009, 2:10 am

تدري وش اللي يجرح القلب جرحين
..................ويمد حبـل الحـزن فيـك ويشده

انك تناظر طفل مـن غيـر أبوين
.................يمشي ودمعـة سايـل فـوق خده

منظر صعيب ويقسم القلـب قسميـن
................لا قـام يمسـح دمعـة بكـف يده

يمش ولا يدري طريقة علـى ويـن
...............لين التعب من كثـر مـا تـاه هده

أثقل حـروف يشيلهـا فيه حرفيـن
...............لا أب يـدريـبـة ولا أم ترده

في خطوته رحلـة ودمعـة وسكيـن
................وحـظ توسـد بالمراسـي مـخـده

جيت اسألـة بالله قللـي ولـد ميـن
...............وبغي يجاوب وختنـق صـوت رده

أنـا يتيـم ومـا لدربـي عنـاويـن
...............وجزر الحزن فينـي يسـاوي لمـده

وطعم الطفولة ما عرفته لهـا لحيـن
.............وثوب السعادة صـرت مانيـب قده

ابكي إلى من شفت غيـري سعيديـن
................ليـن البكـا فينـي يوصـل لحـده

واقفي ورحت امسح دموعي من العين
...............وعيني تناظـر دمعتـه فـوق خده

وهذا اللي يجـرح القلـب جرحيـن
..............ويمد حبل الحـزن غصـب ويشده

أتمنى تعجبكم..
واحنا بشهر كريم لو مدينا ايدينا لطفل يتيم او مسحنا دمعة طفلة يتيمة لو مجرد ابتسامة بوجوههم اكيد النا الاجر والثواب العظيم