الفقير ملهوش مكان

معلش يا جدعان كلنا فقرا بس بجد الفقير ملوش مكان .الدنيا اللى احنا فيها زى محطة الاتوبيس واحنا الركاب وزى مافيه درجة اولى وتانية فى الاتوبيس ؛فيه بردو مننا ناس درجة اولى وتانية:

عالمحطة … عالمحطة
واللي شفته أنا عالمحطة
طلعت الخفة أم شنطة
سلم الأوتوبيس … بنطة
حتة ملعب (بضم الميم ، أي ذات لعب ودلال) … والأكاده (أي بالتأكيد)
في الأوام (القوام) والحسن بطة
هيه خشت درجة أولى
والكراسي بإت (بقت أي أصبحت) منطة
سابوا تانية … وغلب تانية
والأطيع (القطيع) على أولى خطى
اللي يهبش في الجونيلا
واللي يعلى … واللي يوطى
بص واحد ماللي ( من الذين) هما دمهم فلفل وشطة
شاف صنايعي في البريمو
آل له خش هناك يا أسطى
تانية أنسب للي زيك
دي الحقيقة بلاش مغالطة
الأسطى آل له … ياعم روق (بتشديد الواو)
دي الحياة تحب المباسطة
وانت شايف … مش مغمض
حاجة ملبن … حاجة إشطة (قشدة)
والا يعني الكون حيخرب
لو فقير يلهط له لهطة ؟

الغنى غنى العقل مش غنى المال
تحياتى اخى الكفن ويعطيك العافيه