اصابع المسخن بالشراك" لزيييييييز"

المسخن الفلسطيني معروف طبعا من ازكي الاطباق برمضان مع صحن الشوربه السخنة وصحن الزبادي ياسلام شو روعه
رح نحتاج جاج منزوع العظم
وبصل مفروم جوانح
وسماق ليمون وبهار وملح
وزيت زيتون طبعا
وخبز شراك او الخبزالايراني
نبدا بسم الله
بنقطع البصل جوانح وبحطو عالنار بطنجره وبنحط عليه زيت زيتون ليغمرو او اقل حسب متبحبي ورشه ملح ليدبل البصل وبنقلب لحد ميستوي بس مابيتحمر




بعدها بنقطع الجاج شرحات او قطع موصغيره كتير عشان تبين باللفات وبنضيفو للبصل عالنار




بعدين بنقلبو وبغطيه وبنقلب كل رشوي ليستوي الجاج وتنشف ميتو







بعدها بنبهرو للجاج بالسماق والملح والبهار والفلفل الاسود ولو السماق مو حامض بنعصر ليمون عالرغبه طبعا





بنقطع رغيف الشراك رباع




بنفرد كل ربع وبندهنو شوي منالزيت اللي بطنجره البصل والجاج وبعدين بنحط حشوه فوقو وبنطويها جنب وبنلفها





وبنرصهم بصينيه وبنحمرهم








وصحتين مممممممممممممممممم شو روعه طري منجوا ومقرمش من برا جربوها وادعولي روعه والله